Национално триатлон првенство за 2020 година

Натпреварот кој ќе се бодува за Шампионат на Македонија во Триатлон е во организација на ТФМ и Општина Дојран, а како помагатели се јавуваат Агенцијaта за млади и спорт и Македонскиот Олимписки комитет.
Погледнете ги пропозициите за трката:
Место на одржување: Стар Дојран на 20 Септември (недела), 2020 година.
Стартните броевите по категории ќе поделат претходниот ден (19 септември- сабота) на плоштадот позади главната зграда на Општина Дојран. Истите ќе може да се подигнат индивидуално или преку тренерите кои имаат можност да ги подигнат сите пакети за својот клуб, според протоколот. (Спортистите треба да обезбедат сопствена заштитна маска (со покриени уста и нос) и гумени ракаваци за една употреба и се должни да ги носат при подигнување на стартните пакети).
Распоред на трките според саатница, по категории:
Категорија на
Сениори/ки (2000 година и постари), Јуниори/ки (2001-2004 година) , Кадети/ки (2005-2007 година) и Рекреативци/ки (2004 година и постари):
8:15-8:50 часот - Отворање на боксот со задолжителен термален скрининг и дезинфекција;
8:30-8:45 часот - Загревање за пливање;
8:55 часот - Поставување за старт според протоколот;
9:00 часот - Старт во бранови (на временска дистанца од 20 секунди со пет натпреварувачи во бран);
Временски лимит на трката е до 10:40 часот.
Категорија на Деца 2
(2008-2011 год.):
10:45 часот - Отворање на боксот и термален скрининг и дезинфекција;
10:50-11:05 часот - Загревање за пливање;
11:10часот - Поставување за старт според протокол;
11:15часот - Старт во бранови: (на временска дистанца од 20 секунди со пет натпреварувачи во бран).
Категорија на Деца 1
(2012 и помлади):
11:45часот - Отворање на боксот и термален скрининг и дезинфекција;
11:50-11:55 часот - Загревање за пливање;
11:55 часот - Поставување за старт според протоколот;
12:00 часот - старт во бранови (на временска дистанца од 20 секунди со пет натпреварувачи во бран).
Право на учество имаат сите регистрирани спортисти во ТФМ (членови на клубовите). Спортистите мора да бидат осигурани и лекарски прегледани. (Обврска на клубовите).
Спортистите кои немаат осигурување и лекарски преглед, потпишуваат изјави дека настапуваат на сопствена одговорност.
Котизацијата за една трка во категориите на Сениори/ки, Јуниори/ки, Кадети/ки и Рекреативци/ки, изнесува 600 денари.
За категоријата на Деца 2 котизацијата е 300 денари, a учеството во категоријата на Деца 1 е бесплатно.
Пријавувањето се одвива преку следниот e-mail: nikolovska@sportskopje.mk
Уплатата се врши до 15.09.2020 год на ж-ска 200001456255463
Стопанска Банка.
Натпреварувачите се должни да носат документ за лична идентификација и да потпишат изјава кај судијата пред подигнувањето на стартниот број.
ВАЖНО!
Учесниците се должни да ги почитуваат техничките правилата на Интернационалната Триатлон Унија (ITU) и ТФМ, а учеството на трката, како и сите настанати последици, се на сопствена одговорност на натпреварувачите. Задолжително е носење на заштитен шлем и не смее да се настапува со голо тело во било кој дел од натпреварот. Велосипеди со аеро-барови не се дозволени или доколку ги има, не смеат да ја надминат замислената линија на воланот и треба да бидат во затворен круг. Забранет е настап со ТТ велосипеди или велосипеди со помалку од 12 жици на тркалата.


Наши спонзори

Булевар "Кочо Рацин" бр.15

Скопје, Македонија

+389 70 363-958

+389 70 221-850

+389 75 287-064